上一篇文出完，有網友有無日文歌Hi-Res購歌平台推介，重點係動漫歌。得，我腦內只有一個選擇mora.jp/是也。
一開首頁，已經推介近期大熱 --- <SPY x Family>，如果你是另一套<派對咖孔明>fans不用怕動漫專頁一樣有相關音樂購買(不過是AAC-LC 320kbps檔)
因為mora有地區限制，所以一定要用VPN。登記戶口，有簡單日文知識應該無難道。困難之處是如何畀錢。網上一般教學是經樂天Pay付款。不過我自己就付款失敗，於是一怒之下研究如何可以直接用海外信用咭付款。
先帶定頭盔先，我用既方法唔保證日後mora改玩法後用唔到。首先、要有mora既手機app --- Android版和iOS版。第二、日本VPN我用surfshark，當中日本Static IP (如果未有VPN可以用我既介紹link)。第三開啟VPN連上日本Static IP，未登記戶口就隨手先登記。Android版本，App內第三項就是將Mobile Web加入Home Screen。之後就可以Web版繼續~~~
第一次用渣兜付款已經成功。不過計我七算(約三個月前)。於是即轉用Citibank Global Wallet畀錢。現在講緊5.68算，慳唔少。又係如果有朋友有興趣既話可以用我既推薦link :P
開完戶又完成付款方法後，就可以開始選歌。首頁左面有單曲、專輯同歌手既推行榜；中間有唔同類別既鄗歌推介，當然有動漫主題曲啦 :D
重要既事情講三次，畀錢記得、記得、記得開VPN、VPN、VPN。另外下載當然可以用手機App，但48.0kHz/24bit既FLAC，一隻100MB完全唔出奇，所以我買完歌通常會係mora PC Downloader下載。
要講也差不多講晒，提一提對Tag有病態要留意(我自己有職業病)，mora買既歌會留空發行年份，病態既朋友記得要用mp3tag攪一攪先過機。
