<緣路山旮旯>口碑唔錯，但自問對愛情小品沒有特別大興趣，所以遲遲未入場。難得平日坐唔定既女友話想入場，當然即時行動。
完場我又唔得五位女角住既地方有幾山旮旯，除左西貢梅子林，其他地方起碼有交通直到。係咪遠就見仁見智，起碼非香港人睇完，無舟車戶勞動既感覺，亦睇唔出遠近的慨念。
- 蘇麗珊的沙頭角一程私家車便到，係中途改變落車地點麻煩ja
- 張紋嘉的流浮山下白泥，戲中無交代，不過都可以一程私家車到
- 陳漢娜的西貢梅子林，先港鐵到大壩，再轉小巴入烏蛟騰，再行山路入梅子林。(其實就到船期港鐵到大學，行去馬料水搭船入，由荔枝窩行入梅子林應該輕鬆d)
- 梁雍婷的大澳，搭船梅窩，再才用私家車直入大澳
- 余香凝的澄碧邨，先係港島搭船入長洲，再搭船入澄碧邨
在我眼中見到的卻是岑珈其使用交通工具上與情路上的一些聯繫。一開始問朋友借車，代表開始嚮往愛情，對愛情有憧憬；到有自己的私家車，唔理自己是否喜歡，起碼有人我有(後段再補充說)；到使用交通工具加行路，是另一種愛情的追求，自己又不了；最終搭船作交通工具，才發現這種生活方式/愛情態度才最適合自己。
何解我會說岑珈其對駕車不是樂在其中呢？就是梁雍婷問岑珈其，幫佢申請行車禁區紙入大澳好唔好？岑珈其中間的猶疑，直接做成分手的近因。比我的話，應該很隨口便說可以呀。猶疑甚麼呢？自己對余香凝有feel D？大澳出入很遠唔想揸車？定其實只是想緊其他事突然Hang左機？劇中無交代。不過從之前岑珈其問梁雍婷會唔會賣大澳層樓，有暗示岑珈其覺得大澳你係遠既。
另外，岑珈其余香凝是一對我無意見。不過岑珈其點解會搵余香凝呢？同期一大班CS系同學唔選，反而叫做緊NGO既余香凝入公司幫心做PM？除左份人工好Pay想益肺朋友，仲有無其他另一邊余香凝有pull利誘既動力，push呢？公司有無變動，影響到照顧家中兩老，如果當中加少少筆墨寫會更好。
最後有影評話<緣路有山旮旯>拍出香港靚景。我話觀塘呀？沙頭角景黑媽媽；下白泥只見日落，最靚個夕陽景影唔到；梅子林好少少不過人造景多，大澳只影到居屋龍軒苑；澄碧邨得遠景；路經鹿頸，唔講差d認唔到；茶果嶺景多，不過都唔算好靚。如果畀人sell靚景入場最終應該會𠝹櫈出左來。
不過作為低成本既小品創作，我絕對收貨既~~~
P.S. 蘇麗珊劇中話"大家都知幾近幾年太子發生咩事"，朋友都會心微笑，不過要講的話，搬入沙頭角因為癌病，當中既聯想反而無咩人講。
